«NBA» ойыншысы Хорас Грант мансабының ортасында алыстан көрмеу (миопия) мәселесіне тап болып, арнайы спорттық көзілдірік киюге мәжбүр болды. Кейін лазерлік коррекция операциясын жасатып, баскетболшының көру қабілеті жақсарды.
Алайда Грант алаңда көзілдірік киюін жалғастыра берді. Неге десеңіз, бұл шешімге ата-аналардан келген Алғысхаттар әсер еткен еді. Олардың айтуынша, көру қабілеті нашар балалар спортшының стилінен шабыт алып, көзілдірік киюге ұялмайтын болған. Сол себепті, Грант көзілдірікті сән үшін емес, жас жанкүйерлерге қолдау белгісі ретінде тағып жүрді.