Кэндзабуро Оэ – Жапонияның ең танымал жазушыларының бірі.
Ол 1994 жылы әдебиет аталымы бойынша Нобель сыйлығын алған соң, дереу анасына хабарласыпты.
– Анашым, есіңізде ме, бала күнімде Нобель сыйлығын аламын деген едім. Мінекей, бүгін сізге берген уәдемді орындадым! – дейді жазушы мақтанышпен.
Сонда жазушының анасы күтпеген жауап қайтарады:
– Жарайсың, балам. Бірақ сен бұл сыйлықты физикадан аламын деген едің…