Ресей саяхатшысы тарихта алғаш рет Атлант мұхитының оңтүстігін ескек қайықпен жалғыз жүзіп өтті.
Біреулер мұны ақылға сыймайтын кезбелік деп ойлауы мүмкін. Бірақ кезбеліктің де жарасатын адамы болады. Сондайлардың бірі де, бірегейі – 73 жастағы Фёдор Конюхов. Осы уақытқа дейін ол 20 рет қайығымен аударылып, қатты дауылдарды еңсерген. Саяхатшы тіпті мұнымен тоқтап қалмақ емес. Оның басты мақсаты – Аустралияға жету. Ол үшін Конюхов тағы 130 күн бойы жүзіп, мыңдаған шақырымды еңсеруі керек.