«Tesla» 2025 жылы 10 000 «Optimus» гуманоид роботын шығаруды жоспарлап отыр. Илон Масктің айтуынша, бұл құрылғылар жылдың соңына қарай «Tesla» зауыттарында жұмыс істей бастайды.
Илон Маск болашақта «Tesla» жылына 100 миллион робот жасап, «Optimus» бағдарламасы компанияның негізгі табыс көзіне айналады деген мәлімдеме жасады. «Tesla» компаниясы өндіріс көлемін кезең-кезеңімен арттырмақшы. Бастапқыда айына 1000 робот шығарылса, кейін бұл сан 10 000-ға жетпек. 2026 жылы «Optimus 2» моделінің өндірісі басталып, айына 100 000 робот шығару көзделген. Қазіргі уақытта бұл роботтар тек «Tesla» зауыттарында қолданылады. Ал сатылымға 2026 жылдан бастап шығады.