Туризм және спорт министрлігі өткен аптадағы спорттық жетістіктер туралы шолу ақпарат жариялады, деп хабарлайды Egemen.kz.
Бокс: Чиангмайда (Таиланд) өткен Азия чемпионатында Қазақстанның ерлер және әйелдер құрамасы 10 алтын, 4 күміс, 6 қола жүлдеге қол жеткізді.
Ауыр атлетика: Бахрейннің бас қаласы Манамада өткен әлем чемпионатында жерлестеріміз 2 алтын, 1 күміс медаль еншіледі.
Теннис: АҚШ-тың Флорида штатында өткен ITF Juniors J500 Orange Bowl турнирінде Әмір Омарханов жұптық сында чемпион атанды.
Гандбол: Қазақстан әйелдер құрамасы Нью-Дели (Үндістан) қаласында ұйымдастырылған Азия чемпионатында қола медаль жеңіп алды.
Үстел теннисі: Командалық Вальднер кубогі (Норвегия) турнирінде отандасымыз Кирилл Герасименко Азия құрамасы сапында өнер көрсетіп, жарыс жеңімпазы атанды.
Кәсіпқой бокс: АҚШ-тың Санта-Инезе қаласында өткен Hollywood Fight Nights бокс кешінде Садриддин Ахмедов америкалық боксшы Рафаэль Игбоквені (17-6, 7 КО) 7-раундта нокаутпен жеңді.