6 мамыр күні Павлодар облысының білім беру ұйымдарының педагогтері, оқушылары және ата-аналары «Таза Қазақстан» экологиялық акциясын қолдау мақсатында «Түлектердің ағаш егу» Республикалық челленджіне қатысты, деп хабарлайды Egemen.kz.
Челлендж мақсаты - өскелең ұрпақтың бойында экологиялық мәдениетті қалыптастыру, оқушылардың қоршаған ортаға деген сүйіспеншілігін ояту, сондай-ақ табиғатқа ұқыптылықпен қарауға тәрбиелеу. Көшеттерді отырғызу өңірдің барлық білім беру ұйымдарында жүзеге асырылады.
Павлодар қаласының М. Жүсіп орта мектебінің және Абай атындағы дарынды балаларға арналған гимназияның түлектері өз мектептерінің аумағына қайың, қарағай, жеміс ағаштарының көшеттерін отырғызды. Бұл акцияны түлектердің ата-аналары да қолдады.