Атырау облысында шаруа қожалығының 250 тонна пішенін жалын шарпыды, деп хабарлайды Egemen.kz.
Облыстық төтенше жағдайлар департаментінің қоғаммен байланыс тобы ұсынған ақпаратқа сүйенсек, өрт 5 сағаттан соң сөндірілген.
«Кеше кешкі мезгілде Құрманғазы ауданының Мақаш ауылдық округінде шаруа қожалығының 250 тонна пішені өртенді. Пішеннің 200 шаршы метр аумақта жиналып тұрғаны анықталды. Жалын кеше, 28 сәуірде түнгі сағат 23:30-да оқшауланып, бүгін таңғы сағат 04:30-да толықтай сөндірілді», деп хабарлады департаменттің қоғаммен байланыс тобы.
Жалынды сөндіруге Құрманғазы ауданындағы №7 өрт сөндіру бөлімінің 9 қызметкері мен 1 техникасы, жергілікті атқарушы органнан 5 ерікті, 3 техника, ауылдың 10 тұрғыны тартылған.