Синоптиктер наурыздың 25-і күні ел аумағында тұман түсіп, жел күшейеді деп болжады, деп жазады Egemen.kz.
«Қазгидромет» РМК, бүгін Қазақстан аумағынан атмосфера фронталды бөліктердің өтуіне байланысты күн райы құбылмалы болатынын мәлімдеді. Елдің басым бөлігінде жаңбыр мен қар жауып, көктайғақ болса, солтүстікте жаяу бұрқасын соғады. Еліміздің батысында, оңтүстік-шығысында күн негізінен ашық болады. Еліміз бойынша тұман түсіп, жылдамдығы 15-20 м\с метрге дейін қатты жел соғуы мүмкін.