19 ақпан күні ел өңірлерінде температура төмендеп, аяз күшейеді. Қазақстанның шығысында көрсеткіш - 45 градусқа дейін түседі. Өңірлерде аяз қысып, қатты жел соғады. Осыған байланысты синоптиктер ескерту жариялады, деп жазады Egemen.kz.
Ертең Шығыс Қазақстан облысының солтүстігі мен шығысында -45°С-қа дейін өте қатты аязбен қатар боран болып, қар жауады, Жел 15-18 м/с күшейеді.
Қарағанды облысының оңтүстігі мен шығысында 15-20 м/с жылдамдықпен жел соғады. Түнде облыстың солтүстігі мен шығысында -35-39°С қатты аяз сақталады.
Қызылорда облысында екпіні 23 м/с болатын жел болады.
Ұлытау облысының батысы мен солтүстігінде жел 15-20 м/с күшейіп, аяз қысады.
Оңтүстікте, Түркістан облысының таулы және тау бөктеріндегі аудандарында тұман түседі. Таулы аймақтарда қар жауады. Желдің жылдамдығы секундына 23-28 м жетеді. Ал Шымкент қаласында түнде және таңертең тұман болады. Түркістанда жел 15-20 м/с күшейеді.