Дзюдодан Париж Олимпиадасына ұпай үлестіретін соңғы дода Астанада өтеді.
Ұлттық олимпиадалық комитеттің мәліметінше, Халықаралық дзюдо федерациясы (IJF) 2024 жылғы спорт кестесін жаңартты. Күнтізбеге сәйкес Қазақстанда өтетін әлемдік Qazaqstan Barysy Grand Slam 2024 жарысы Алматы қаласынан Астана қаласына ауыстырылды.
Жарыс 10-12 мамыр күндеріне жоспарланған. Айта кетерлігі, бұл бәсеке 2024 жылғы Париж Олимпиадасына рейтингтік ұпай беретін соңғы Grand Slam жарысы. Grand Slam жарысының жеңімпаздары мен жүлдегерлеріне берілетін ұпайлар: I орын – 1000 ұпай, II орын – 700 ұпай, III орын – 500 ұпай.