Еліміздің барлық өңірінде қоғамдық көлікте жол ақысын электронды түрде төлеуге көшу үрдісі аяқталды. Өнеркәсіпті дамыту қоры арқылы биыл өңірлерде қалалық автобустарды жаңартуға жеңілдікті лизинг тетігі іске қосылған болатын, деп хабарлайды Egemen.kz Көлік министрлігіне сілтеме жасап.
Нәтижесінде автобус парктеріне 2,5 мың көлік, оның ішінде 774 экологиялық таза автобус жеткізіліп, тозу деңгейін 13 пайызға дейін төмендеткен (46% - дан 33% - ға дейін).
Сондай-ақ биыл барлық өңір бойынша қалалық автобустар электронды жол ақысын төлеуге көшті. Автобустарды онлайн режимде толық диспетчерлік сүйемелдеу – аялдамаларға автобустардың келуі арасындағы ең ұзақ аралықты 20 минутқа дейін қысқартса, алдағы уақытта 15 минутқа дейін азайту міндеті тұр.
Айта кетсек, өткен жылдармен салыстырғанда биыл жолаушылар саны 9%-ға артып, 1,5 млрд жолаушыны құраған.