Аяздың күшеюіне байланысты 13 желтоқсан күні 2-ауысымның 0-9 сынып оқушылары қашықтан оқу форматына ауыстырылды. Бұл туралы Астана қаласы білім басқармасының баспасөз қызметі хабарлады, деп жазады Egemen.kz.
«2023 жылғы 13 желтоқсан күні ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына ауыстырылады», деп жазылған хабарламада.
«Қазгидромет» РМК деректері бойынша Астанада 13 желтоқсан күні ауа температурасы 33 градусқа дейін күрт төмендейді деп болжанып отыр.