Аязға байланысты Астана қаласы маңына қатынайтын 12 автобус рейстен алынды, деп хабарлайды Egemen.kz «City Transportation Systems» компаниясына сілтеме жасап.
«10 желтоқсан, сағат 05.00-ге өзекті ақпарат. Ауа райының нашарлауынан (температураның төмендеуі) қала маңына қатынайтын № 300, 305, 308, 309, 310, 312, 315, 316, 317, 327, 328, 329 бағдарларының қозғалысы уақытша тоқтатылды.
Қала маңына қатынайтын басқа бағдарлар линияда.
Қоғамдық көлік қозғалысы туралы өзгерістерді @cts_kz парақшаларынан білуге болады», делінген компания мәліметінде.