Желіде пауэрлифтингтен чемпион Зәкір Найманбаевты көлік басып өткен видео пайда болды. Видеоны спортшы Instagram-парақшасында жариялады, деп хабарлайды Egemen.kz.
Видеода спортшының жерде етпетінен жатқаны, оны Volkswagen Golf көлігінің басып өткені көрсетілген. Аталған көліктің салмағы бір жарым тонна болуы мүмкін.
«Көлік үстімнен басып өтті. Жүк көлігін сынап көргім келген, бірақ Volkswagen Golf көлігінен бастауды жөн көрдім», деп жазған спортшы парақшасында.
Желі қолданушылары спортшының күшіне таңданыстарын білдіріп, түрлі пікір қалдырды.