АҚШ-тың Луизиана штатында алып қолтырауын серуенге шыққан туристердің қайығына секірді, деп хабарлайды Egemen.kz.
Қолтырауынның қайыққа тап берген сәті видеоға түсіп қалған.
Whiskeyriff сайты хабарлағанындай, қайықтағылар қолтырауыннан қатты қорқатындарын атап кеткен, олар қолтырауынды қобалжымастан суға қайта итеріп жіберген қайық иесінің ерлігіне таңғалған.
Туристер жергілікті тұрғындар үшін алып жануарлармен кездесу әдепкі жағдай екенін атап өтті. Алайда, ондай кездесуге әзірлігі жоқ адамдар үшін қолтырауынмен кенеттен кездесудің ақыры жүрек талмасымен аяқталуы да мүмкін.