Синоптиктер 25-27 мамырға арналған ауа райы болжамын ұсынды, деп хабарлайды Egemen.kz.
Республиканың басым бөлігінің ауа райын атмосфералық фронтальды бөлімдер айқындайды, жаңбыр жауып, найзағай ойнайды. Тек республиканың солтүстік-батысында антициклон жотасымен жауын-шашынсыз ауа райы сақталады. Сондай-ақ республика бойынша желдің күшеюі күтіледі, еліміздің оңтүстік-батысы мен оңтүстігінде шаңды дауылдар болады.
«Ауа температурасы күндіз батыс өңірлерде 27-35 градус жылы, солтүстік-батыста 25-30 градус жылы күтіледі. Солтүстікте, шығыста, орталықта 18-27 градус жылыға дейін аздап төмендейді. Оңтүстікте 25-33 градус жылыға дейін, оңтүстік-шығыста 23-30 градус жылыға дейін жоғарылайды», делінген хабарламада.