Энергетика министрлігі 2023-2024 жылдардағы жылыту маусымына дайындық жоспарын ұсынды, деп хабарлайды Egemen.kz.
Энергетика министрлігінің мәліметінше, 2023-2024 жылдардағы жылыту маусымына дайындық жоспарына сай 2023 жылы бірнеше электр станцияларына жөндеу жүргізіледі.
Соның ішінде 10 энергия блогы, 49 қазандық, 54 турбина жөндеу жұмыстары жоспарланған. Ал қазіргі кезде 1 энергоблокта, 2 қазандықта және 3 турбинада жөндеу жүргізіліп жатыр.
Ал электр желілерінде 25 346 мың км электр беру желісі, 564 жоғары вольтты қосалқы станция, 3507 трансформаторлық, тарату және жиынтық трансформаторлық қосалқы станция жөндеуден өтеді.