АҚШ-та апатқа ұшыраған әскери тікұшақ Алабама штатының Хантсвилл маңындағы тас жолға құлады, деп хабарлайды Egemen.kz.
Тікұшақ жергілікті уақыт бойынша сағат 15:00-де Хантсвиллдегі 53-маршрут маңында жаттығу рейсі кезінде апатқа ұшырады. Теннесси Ұлттық гвардиясы твиттер әлеуметтік желісінде мәлімдеді. Жергілікті БАҚ-тың хабарлауынша, борттағы 6 адамның екеуі апат салдарынан қайтыс болған. Ал тас жолда келе жатқан көліктер зардап шекпеген.