Бұл туралы Мемлекет басшысы Қасым-Жомарт Тоқаев Астанада өтіп жатқан АӨСШК VI саммитінде айтты, деп хабарлайды Egemen.kz.
«Азия үшін экономиканы декарбонизациялау мәселесі өте өзекті болып отыр. Бұл мәселені шешу үшін бұрын-соңды болмаған көлемде инвестиция қажет. Бір айдан кейін Египетте СОР27 Климаттық конференциясы өтеді. Сондай-ақ 2024 жылы Астанада АӨСШК елдеріндегі экология мәселелері бойынша жоғары деңгейдегі конференция өткізуді ұсынамын. Осы конференцияның нәтижелері экология саласындағы ынтымақтастық мәселелері бойынша АӨСШК кеңесін құру үшін негіз бола алады», деді Президент.