Тергеу комитеті ресейлік аралас жекпе-жек шебері Усман Нурмагомедовқа қатысты қылмыстық іс қозғады, деп хабарлайды Egemen.kz.
Іс РФ ҚК 318-бабы бойынша (Билік өкілінің өз лауазымдық міндеттерін атқаруына байланысты оның өміріне немесе денсаулығына қауіпті емес күш қолдану) қозғалды.
Нурмагомедов мінген көлік Каспийск әуежайының жанындағы бақылау-өткізу пунктінде полиция қызметкерін қағып кетті. Спортшы Мәскеуде ұсталды.
Ереже бұзған Усман UFC-дің экс чемпионы Хабиб Нурмагомедовтың немере інісі. Ол Bellator ұйымының спортшысы ретінде сегізбұрышта бақ сынап жүрген болатын.