Ертең Нью-Йорктегі әйгілі «Madison Square Garden» аренасында кәсіпқой бокс кеші өтеді. Бұл күні шаршы алаңға бірінші жартылай орта салмақтағы Пуэрто-Рико боксшысы Хосуе Варгас пен америкалық Хосе Сепеда көтеріледі, деп хабарлайды Egemen.kz.
Жекпе-жек алдындағы салмақ өлшеу рәсімінде екі боксшы жанжалдасып қалды. Бетпе-бет кездесу болмай жатып, екі мықты бір-біріне жұдырық ала жүгірді. Абырой болғанда сілтеген қолдары бір-біріне тиген жоқ. Боксшыларды ажыратудың орнына екеуінің командасы да төбелеске кірісіп кете жаздады. Ринг сыртындағы «шайқасты» ұйымдастырушылар тоқтатты.