Мемлекет басшысы Қасым-Жомарт Тоқаев Давид Дегтяревті Токио Паралимпиадасындағы жеңісімен құттықтады, деп хабарлайды Egemen.kz.
«Давид Дегтяревті Токиода өтіп жатқан XVI Паралимпиада ойындарындағы жеңісімен құттықтаймын. Бұл алтын медаль – керемет жетістік және табанды жаттығулар мен мұқалмас ерік-жігердің жемісі. Давидке жаңа табыс, ал Паралимпиададағы Қазақстанның барлық спортшыларына сәттілік тілеймін», деп жазды Мемлекет басшысы өзінің Twitter желісіндегі парақшасында.