АҚШ-та өтіп жатқан US-Open додасының екінші айналымында қазақстандық спортшылардың қарсыластары белгілі болды.
«Үлкен дулыға» турнирінің ерлер арасындағы бәсекесінде Михаил Кукушкин чилилік Кристиан Гаринмен кездеседі. Кукушкин АТР рейтингінде – 90, Гарин 19-орында тұр.
Әйелдер арасындағы сында Юлия Путинцева Беларусь өкілі Вера Лапкомен жолығады. Ал Елена Рыбакинаның қарсыласы – америкалық Шелби Роджерс.
Айта кетелік, бірінші кезеңде Қазақстан атынан сынға түскен Александр Бублик пен Зарина Диас жеңіліп қалды.