Гонконгта регби-7 спортынан әлемдік лига турниріне іріктеу сыны өтіп жатыр. Қазақстан әйелдер командасы алғашқы матчта жеңіске жетті деп хабарлайды Olympic.kz.
Бірінші матчта Қазақстан мен Аргентина құрамалары кездесіп, 17:12 есебімен біздің команда жеңіске жетті.
Келесі ойында қазақстандықтар Бразилияға қарсы ойнайды.
Еске сала кетейік, Қазақстан С тобында өнер көрсетуде. Бұл топта Аргентина, Бразилия және Польша командалары бар.
Жарыста жалпы есебі 12 құрама бақ сынауда. Топтық кезең қорытындысы бойынша сегіз үздік команда келесі айналымға жолдама алады.