Азия ойындарында су добынан әйелдер командасы арасындағы бәсекелер аяқталып, жеңімпаздар мен жүлдегерлер анықталды, деп жазады Olympic.kz.
Соңғы матчта Жапония құрамасын 12:11 есебімен жеңген қазақстандықтар Азия ойындарының күміс жүлдесіне қол жеткізді. Қазақстан қыздар командасы 5 кездесудің төртеуінде жеңіске жетті. Алтын медальді барлық матчта қарсыластарынан басым болған қытайлықтар иеленсе, қола жүлде Жапония қыздарына бұйырды. Осылайша су добының шеберлері Қазақстан құрамасына Азия ойындарындағы оныншы медальді сыйлады.