Жолаушыларды халықаралық рейс ұшақтарына отырғызу алдындағы тексеру аймағында сынап төгілуіне байланысты Алматы әуежайындағы адамдар сыртқа шығарылды. Бұл туралы Tengrinews.kz порталы хабарлады.
Алматы-Тбилиси рейсімен ұшқалы тұрған жолаушының жүгінен аджика банкісіне құйылған сынап табылған. Сынап мөлшері шамамен 100-150 миллилитрдей. Бұл жағдайға байланысты тексеру жүріп жатқан кезде жолаушы сынапты қоқыс жәшігіне төгіп жіберген. Жолаушы – Қазақстан азаматы, жасы 38-де. Қауіпсіздік ережесіне сәйкес адамдар сыртқа шығарылды. Жолаушыны құқық қорғау органдары тергеп жатыр. Рейстер кешігуде. Төтенше жағдайлар жөніндегі комитет қызметкерлері оқиға орнына жіберлген.