Жеке инвестицияға салынған екі зауыт

«Бірінші кезең іске қосылған соң зауыт жылына 100 мың өнеркәсіптік аккумулятор шығара бастайды. Толық қуаты – 200 мың аккумулятор. Қазір 150 тұрақты жұмыс орны құрылған, келешекте оның саны 300-ге жетпек. Бүгінде 10 млрд теңге инвестиция тартылды. Кәсіпорын экспортқа бағдарланған. Сон­дықтан өнімдер ел ішіне ғана емес, Өзбекстан, Түрікменстан, Қырғызстан, Әзер­байжан, Ресейге де жеткізіледі», дейді кәсіпорын­ның бас директоры Ербол Әжмағамбетов.

«Талдықорған» индустриялық айма­ғын­да орналасқан автоклавты қатайтатын газбетон блоктарын шығаратын кәсіпорын­­ның өндірістік қуаты – жылына 150 мың текше метр. Мамырдың аяғы мен маусымның басында іске қосылады деп жоспарланған.

«Қараусыз қалған ғимаратты сатып алып, реконструкция жүргіздік. Қазір қажетті жаб­­дықтар орнатылуда. Өңірде кірпіштің осы түрлерін өндіретін кәсіпорын жоқ. Біз жер­­гі­лік­ті шикізатты қолданамыз. Негізі­нен да­йын өнімді облыс аумағында сатамыз. Зауыт ғимаратынан басқа кеңсеміз, қызметкерлерге арналған асханасы бар жатақханамыз  бар. Қазір 30 адам жұмыс істейді. Зауыт іске қосылғаннан кейін жұмыс орыны саны 70-ке дейін ұлғаяды», дейді «Стальбетон» ЖШС коммерциялық директоры Динара Орынбасар.

Кәсіпорында жұмысшылар – айына 300-350 мың теңге, бас энергетик 1 млн теңгеге дейін жалақы алады. Жобаға 3 млрд теңгеден астам инвестиция құйылған. Болашақта мемлекет тарапынан қолдау алып, құ­ры­лыс­қа қажетті құрғақ қоспамен эмульсия шы­ға­ра­тын зауыт ашу жоспарда бар.

Облыс әкімі Бейбіт Исабаевтың айтуын­ша, зауыт ғимаратына дейін инженерлік инфрақұрылымды жүргізу мәселесінде қолдау көрсетіледі. Әкімдік мәліметінше, аймақта 565 өнеркәсіп орны жұмыс істейді, оның 14-і – ірі, 11-і – орта кәсіпорын. Өнеркәсіп өндірісінің көлемі 2025 жылғы қаңтар-ақпан айларында 54,5 млрд теңгені құрап, нақты көлем индексі 120,9%-ға жеткен.

Жетісу облысы