Пәкістанның Лахор қаласында жамбы атудан әлем кубогінің іріктеу кезеңі өтіп жатыр. 7 ақпанда басталған жаһандық дода ертең аяқталады.
Бұл сынға елімізден Бақдәулет Бабажан, Ақәділ Пернебай, Үсен Ақберен, Мәрлен Өсербай қатысып жатыр. Мергендер ұйымдастырушылар тарапынан берілген аттарды таңдап алды. «Азия» стилі бойынша өткен сайыста Бақдәулет Бабажан күміс, Үсен Ақберен қола медаль жүлде олжалады. Ұлттық құраманың бас бапкері Елдос Бадашев жігіттер алдағы сайыстарда да жүлде иеленетініне сенім білдірді.