Тамақ сапасын сараптады

Мемлекет басшысының тапсырмасымен 2023 жылдан бері бас­тауыш сынып оқушыларына тегін ыстық тамақ беріледі. Сондай-ақ Оқу-ағарту министрлігінің Балалар­дың құқықтарын қорғау коми­теті тамақтану сапасын арттыру мақсатында былтыр тамақтану нормаларын қайта қарап, асхана қызметкерлеріне қойылатын талапты күшейтті. Жеткізушілерге СЭС қорытындысын алу мін­дет­телді. Тегін тамақ алушы­лар­дың есебі автоматтандырылды. Мек­тептерде тамақтану сапасын күнделікті бақылауға бракераждық комиссиялардың жұмысы мін­деттелді. Бұған қоса, барлық өңір­де ата-аналар, қоғамдық ұйым өкілдері және мәслихат депутаттарының қатысуымен ведомствоаралық са­раптамалық комиссиялар арқы­лы қоғамдық бақылау ұйым­дас­тырылды.

Жалпы, тамақтануды жүйе­лі түрде ұйымдастыру сапасын мемлекеттік бақылауды Денсау­лық сақтау министрлігі Сани­тар­лық-эпидемиологиялық ба­қы­лау комитетінің аумақтық бөлім­шелері қамтамасыз етеді. Қазір білім ұйымдарындағы тамақтану стандартының жобасын әзірлеу және бекіту бойынша жұмыстар жүргізіліп отыр.

Жиын барысында Оқу-ағарту министрі Ғани Бейсембаев уәкі­летті мемлекеттік органдарға бра­кераждық және ведомст­во­аралық комиссиялардың құ­ра­мын жаңартып, оларға өңірлік кәсіпкерлер палата­ларының өкіл­дерін енгізуді, комис­сия­лар­дың жұмыс алгоритмін жаңар­ту, сондай-ақ барлық үдеріске қатысушылардың мониторинг жұмыстары мен бақылауын күшейту тапсырды. Талаптар жү­йелі түрде бұзылса, жергілікті билік органдарына қызмет көрсету­ші­лермен келісімшарттарды біржақты тәртіппен бұзу құқығы беріледі.

Бүгінгі таңда елімізде 1,7 миллионнан астам оқушы тегін ыстық тамақпен қамтылған. Бұл мақсатқа жергілікті бюджеттерден 192 миллиард теңгеден астам қаражат бөлінген.

Айта кетейік, өткен жыл соңын­да Президент Білім және бала құқықтарын қорғау мәсе­ле­лері жөніндегі заңға қол қойды. Осыған орай енді жекеменшік мектеп­­тер­дің 1-4 сынып оқушы­ларына да тегін ыстық тамақ беріледі. Жаңа бастама 25 мыңнан астам баланы қамтиды. Оған мемлекет қосымша 12 миллиард теңге бөлді.

Қайсар Құсайын