Жартылай орта салмақтағы UFC чемпионы америкалық Белал Мұхаммад қазақстандық қарсыласы Шавкат Рахмоновқа қарсы чемпиондық атағын неліктен қорғағысы келетінін түсіндірді, деп хабарлайды Egemen.kz Sports.kz сайтына сілтеме жасап.
М.Белалдың айтуынша, ол қазақ спортшысынан мықты екенін барлығына дәлелдегісі келеді.
«Шавкат менің тізімімде бірінші орында тұр. Ол титулға үздік үміткер атағы үшін Ян Гарримен жұдырықтасты. Әлі күнге дейін Бугимен болып саналады. Адамдар маған: «Шавкат сені соққыға алып, жеңеді» дейді. Сондықтан, мен онымен жекпе-жекке шығып, күшімнің басымдығын көрсеткім келеді. Менен барлығы жеңіліс күтеді. Бірақ мен жеңісімді дәлелдеймін», деді Мұхаммад Белал.