Кеше Түркістан қаласындағы жалдамалы пәтерлердің бірінен 2 баланың мәйіті табылып, қабылданған шаралар нәтижесінде Шымкент қаласындағы қонақүйден сол балалардың анасы күдікті ретінде қамауға алынған еді. Ол Қызылорда облысының тұрғыны болып шықты, деп жазады Egemen.kz.
Осыған байланысты Қызылорда облыстық білім басқармасының басшысы Асқарбек Есжанов күдіктінің 2014 жылдан бастап Шиелі ауданындағы білім беру ұйымдарының бірінде мұғалім болып қызмет атқарғанын растады. Оқиға болған күні, 7 ақпанда мектеп әкімшілігін ескертусіз жұмысқа бармай қалыпты. Әріптестерінің айтуынша ол ұжыммен, ата-ана, оқушылармен тіл табыса алатын мұғалім болыпты. Балаларды оқыту мен тәрбиелеуде бірқатар жетістікке де жеткен екен.
«Жұбайы, балалары, ата-енесі бар кәдімгі толық отбасы. Оны бұл жағдайға не итермелегені түсініксіз. Бүгін қайғы тартып отырған отбасына барып, көңіл айтып қайттым», дейді басқарма басшысы.